Forum
La etichete Fedora Kinoite sul forum di discussion di Fedora, basât su Discourse, al è un bon puest par conetisi cun altris utents e colaboradôrs di Fedora Kinoite.
Comunitât
Partecipe a une comunitât di utents e colaboradôrs che si dedichin soredut a Fedora Kinoite.
Fedora Kinoite e je mantignude dal KDE Special Interest Group (SIG) in Fedora e e je il risultât de colaborazion tra la comunitât di Fedora e chê di KDE.
KDE SIG e je una comunitât vierte ae ricercje di colaboradôrs di ogni bande dal mont e di ogni gjenar. De scriture de documentazion, aes provis des betas, al dâ une man a chei altris rispuindint aes domandis, a son tantis manieris par judâ e contribuî a plasmâ il futûr di Kinoite!
La comunitât di KDE e cree il software e e à ancje une pagjine par partecipâ cun tantis informazions utilis su cemût judâ.
Canâi di comunicazion
Chat
Tu puedis chatâ cu la comunitât di Fedora Kinoite o midiant Matrix o cun IRC: #kinoite:fedoraproject.org su Matrix opûr #kinoite su irc.libera.chat.
Manieris par partecipâ
Svilupadôrs
Fedora Kinoite si fâs fuarce di cualchi straordenari progjet open source, tra chescj ostree, rpm-ostree e flatpak. Se tu sês un svilupadôr o une svilupadore, valute la pussibilitât di dâ une man cuntun di chescj progjets.
Scritôrs
Fedora Kinoite al dopre une interessante tecnologjie ae avanvuardie e o vin bisugne di contâle ator il plui pussibil! Se tu scrivis par passion, la colaborazion te stesure de documentazion di Fedora Kinoite e judarà chei altris a imparâ cemût che al funzione il lôr sisteme e dutis lis robis maraveosis che a puedin fâ cun Kinoite.
Colaudadôrs
Âstu cjatât alc che nol va ben? Desideristu proponi une modifiche te maniere di funzionâ di Kinoite? O vin plasê di scoltâti! Va tal sisteme di segnalazion dai problemis di KDE SIG e fânusal savê.
Events
Dulinvie dal an Fedora al organize varis events, là che si pues partecipâ di persone o in mût virtuâl, par savê di plui su Fedora Workstation e par cjatâ altris utents e colaboradôrs.
La conference anuâl dal Progjet Fedora
Flock e je la conference anuâl dal Progjet Fedora che si davuelç su plui dîs e si concentre sui nestris colaboradôrs. Di solit si alterne tra lis sedis europeanis e nordamericanis. La conference e da un lûc par cjatâsi e fevelâ muse cuintri muse. E je ancje un lûc par ringraciâ la nestre comunitât.
Il Flock di solit si ten a Avost.
La conference virtuâl dal Progjet Fedora
Nest al è il nestri Flock virtuâl che si davuelç di cuant che e je tacade la pandemie di COVID-19. E dure 3 dîs e si displee in conferencis, laboratoris, hackfests e events sociâi.
Incuintris di puartade locâl o globâl su Fedora
Hatch e je une serie di incuintris globâi su piçule scjale che a permetin ai Fedorans locâi di cjatâsi di persone tes setemanis prime de conference Flock / Nest.
Fedora Magazine al è un sît web che al ospite articui divulgatîfs e vuidis essenziâls realizadis de comunitât su software libar e a codiç viert che al pues zirâ o funzionâ sul sisteme operatîf Fedora Linux.
Il Community Blog e je une font sigure pai membris de comunitât, là condividi cun altris membris de comunitât dal Progjet notiziis impuartantis, inzornaments e informazions su Fedora.